Şəhriyar Məmmədyarov: "Azərbaycan şahmatının zəif nöqtəsi qalmayacaq"

Şəhriyar Məmmədyarov: "Azərbaycan şahmatının zəif nöqtəsi qalmayacaq"

"Teymur Rəcəbovun Dünya Kubokuna sahib olduqdan sonra kişi şahmatçılarımızın qazanmadığı rəsmi nəticələrin sayı altıya enib".

APA-nın məlumatına görə, bunu Azərbaycan şahmatçısı Şəhriyar Məmmədyarov deyib.

Dünya reytinqinin yeddincisi millidəki komanda yoldaşı Teymur Rəcəbovu Dünya Kubokuna sahib olması münasibəti ilə təbrik edib. O bildirib ki, növbəti 1 ildə təmsilçilərimizin indiyədək qazanmadıqları 6 tituldan ən azı 3-ünü əldə edəcəklər: "Kişi şahmatçılar arasında dünya çempionu, İddiaçılar Turnirinin qalibi, blits üzrə mundialın qızıl medalçısı, komandalararası dünya çempionu, Ümumdünya Şahmat Olimpiadasının ən güclüsü və şəxsi Avropa birincisi olmamışıq. Bu nəticələri qazansaq, Azərbaycan şahmatının zəif nöqtəsi qalmayacaq. Dünya Kubokunu bu siyahıdan çıxardığı üçün Teymur Rəcəbova təşəkkür edirəm. Fikirləşirəm ki, növbəti bir ildə əldə edə bilmədiyimiz titullardan ən azı yarısına sahib olacağıq. Çünki qarşıdakı ildə bu yarışlardan 5-i olacaq. Buna çox inanıram".

Qeyd edək ki, Şəhriyar Məmmədyarov Rusiyanın Xanti-Mansiysk şəhərində keçirilən Dünya Kubokunun 1/8 finalında Teymur Rəcəbova uduzub.
Oxşar xəbərlər
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
Mədəniyyət